Энэ хөгжилтэй баяр хэрхэн үүссэн талаар хэд хэдэн хувилбар байдаг. Нэг хэсэг нь эрт цагийн хаврын эхлэл болгож нэг нэгнээ тоглоом шоглоом хийн наргидаг өдөр болгож байсан гэдэг.
Гэтэл нөгөө хэсэг нь дундад зууны үед найз нөхөд, танилууддаа инээд бэлэглэх зориулалтаар тэмдэглэж ирсэн гэдэг байна.
Ингэхээр энэ өдрийг хэзээнээс эхлэн ингэж тэмдэглэдэг болсон нь түүх суварт үлдсэнгүй. Юутай ч энэ өдөр бие биенээ тоглоом шоглоом болгон гэмгүй цагаанаар хуурдаг энэ уламжлал дэлхийн олон оронд бий. Саяхныг болтол энэ өдрийг нэг нэгнээ хуурдаг өдөр хэмээн хүүхэд багачууд нэгнийгээ хуурдаг байсан. Энэ ч бас эртний уламжлалтайгаас гадна бүр зохион байгуулалттайгаар олноор нь дөнгөж байсан түүх бий.
Америкийн тоглоом шоглоомын музей дөрөвдүгээр сарын сонгодог хууралтын жишээнүүдийг ийн цуглуулсан байдаг

1. Sports Illustrated сэтгүүл 1985 онд бейсболын New York Mets багийн тоглогч бөмбөгөө цагт 270 км-ийн хурдтай шидлээ, тэрээр энэ чадвараа Төвдийн хийдэд шавилан сууж суралцсан байна гэсэн мэдээ нийтэлж байжээ.

2. Телевизийн ВВС суваг 1957 онд шведийн нэгэн ферм гоймон тариалж арвин ургац хурааж авсан талаар мэдээлж. Бүр Шведээс модноос гоймон хурааж байгаа дүрс ирлээ хэмээн үзүүлснээр олон хүн гэрийн нөхцөлд яаж тариалах вэ, үрийг нь хаанаас авах вэ хэмээн өдөржин утасдаж байжээ.

3. Шведэд ганцхан телевизтэй байсан 1962 онд оройн мэдээгээр эмэгтэй хүний нийлэг оймсоор телевизорынхоо дэлгэцийг бүрвэл өнгөтөөр үзэж болно гэсэн сонирхолтой мэдээ явж хүмүүс эхнэрийнхээ оймсыг ашиглаад болохгүй байна хэмээн утастсан гэдэг. Өнгөт телевизор дөнгөж 1970 онд л гарсан билээ.
4. Британийн нэрт одон оронч Патрик Мур 1979 онд өглөөний 9.47 цагт түүхэнд анх удаа Плутон гараг Бархасбадийн араар орсноор дэлхийн татах хүч суларч энэ үед хүн дээшээ үсэрвэл агаарт хэсэг хугацаагаар тогтоно гэж радиогоор мэдэгджээ. Хэдэн зуун хүн радио руу утасдаж болохгүй байна гэцгээж. Нэг эмэгтэй бүр зөөлөн сандлаасаа хөөрөөд өрөөн дотор хөөрч байна гэсэн гэдэг.

5. 1998 онд New Mexicans for Science and Reason хэвлэл Америкийн Алабама мужийн хууль тогтоогчид 3.14159 гэдгийг илэрхийлдэг алдарт Пи тоог “библийн утга бүхий 3.0 гэсэн тоогоор солих гэж санал хураалаа гэсэн мэдээ нийтэлж байжээ.