Сонгууль дөхөж байгаа энэ үед намуудын үйл ажиллагаа илт сэргэж байгаа нь ажиглагдаж байна.  Гишүүнчлэл нэртэйгээс цаашгүй, сонгуулийн хуудасны дээгүүр жагсадгаа ашиглан хэдэн төгрөг хийж, нам, эвслүүдтэй наймаа панз үсэргэдэг намууд ч бий. Жижиг гэлтгүй үйл ажиллагаа нь жигдэрсэн, бодлогын тодорхой саналууд дэвшүүлдэг намууд ч байна. Үүний нэг нь Иргэний Зориг Ногоон нам юм.

Иргэний зориг нам бол парламентад үеийн үед суудалтай явж ирсэн, идэвхтэй үйл ажиллагаа явуулдаг, бодлогын тодорхой саналууд дэвшүүлдэг, түүнийгээ хэрэгжүүлэхэд парламентад суусан төлөөлөл нь дуу хоолойгоо өргөж, ажил хэрэг болгож чаддаг байлаа. Ногоон бодлого баримталдаг нам манайд зайлшгүй шаардлагатай. Дэлхийд ийм чиг баримжаатай намууд эрх барьж байгаа нь ч бий. Дэлхий өөр ногоон чиглэлд анхаарал хандуулж, НҮБ бодлогын хэмжээнд тогтвортой хөгжлийн бодлогыг гаргаж тавьсан.

Дуучин Нара буюу М.Нарантуяа тэгвэл иргэний Зоригтой, ногоон бодлоготой Иргэний зориг ногоон намд элсэж, “Үзэл бодолтой минь яв цав таарсан намаа оллоо. Тиймээс ИЗЗН-д элслээ” хэмээн өөрийн цахим хуудсаараа дамжуулан хэллээ.