"НҮБ-аас есдүгээр сарын 13 ны өдрийг ардчилалын өдөр болгон тэмдэглэдэг. Энэ жил анх удаа Ардчилсан нам "Ардчилсан хувьсгалын 30 жилийн ойг тохиолдуулан энэ өдрийг тэмдэглэн өнгөрүүлж байна. Энэ өдөр дүүрэг бүр өөр өөрийн онцлогт ажил хийхээр төлөвлөсөн. Үүний дагуу Багануур, Багахангай, Налайх дүүргийн АН-аас хамтарч бүжгийн тэмцээнийг нийтийн бүжиг, бүжгийн спортын гэсэн хоёр төрлөөр зохиосон. Энэ тэмцээнд найман настай балчираас наян настай буурал хүртэл оролцсон нь нийтийг хамруулсан ажил боллоо. Хүн "Хөгширч үхдэггүй, Хөшиж үхдэг" гэж ч ярьдаг нь хөдөлгөөн хүний биед ямар их хэрэгтэй гэдгийг ойлгуулахыг зорьсон болов уу. Бүжгийн спорт бие бялдар гоо зүйн хүмүүжил олгодог учраас сүүлийн жилүүдэд манай улсад энэ төрлийн спорт эрчимтэй хөгжиж байна" хэмээн Багахангай дүүргийн Ардчилсан намын дарга Ц.Алтанцэцэг ярьсан юм.