-Сурах бичгийн хүрэлцээ ямар байна. Түрээс өгөх сурах бичиг хэвлэж байгаа юу?
-Засгийн газраас 1-5 дугаар ангийн сурах бичгийг бүрэн даадаг. Дунд ангийн сурах бичгийн 60 хувийг нь улсаас дааж байгаа. Ахлах ангийн сурах бичгийн 40 хувийг Засгийн газраас даадаг.  Өмнөх жилүүдэд энэ 40:60 хувьд хамрадгаж байгаа хүүдүүд дунджаар 60 мянган төгрөгөөр сурах бичгээ худалдаж авдаг байсан. Энэ жил Азийн хөгжлийн банкны санхүүжилтээр уг сурах бичгийг найман тэрбум төгрөгийн 2.6 сая төгрөгийн санхүүжилтээр хэвлүүлж байна. Гэхдээ Азийн хөгжлийн банкнаас санхүүжилт хийх зөвшөөрөл хараахан ирээгүй байна. Гэвч энэ есдүгээр сарт багтааж түрээслэх номын хэвлэлийг дуусгана.

 

-Тэгэхээр сурагчид ямар ном хэрэглэж байгаа вэ?
-Бид аймаг нийслэлийн болосвролын газарт чиглэл өгсөн. Болосролын хүрээлэн болон яамны вэб сайтаас цахим хэлбэрээр сурах бичгээ ашигдах боломж гаргаж өгсөн.

 

-Сурах бичиг алдаатай байна гэсэн шүүмжлэл эцэг, эхээс байнга гардаг. Энэ талаар хэрхэн анхаарч байгаа вэ?
-Энэ талаар маш хатуу чиглэл өгөөд ажиллаж байгаа. Сурах бичигт үг үсэг, агуулгын, түүх гуйвуулсан асуудал байж болохгүй гэдэгт анхаарч байгаа. Салбарын сайд боловсролын хүрээлэнд үүрэг чиглэл өгсөн.

 

-Энэ жил шинэчлэгдсэн сурах бичиг бий юу?
-Иргэний боловсролын сурах бичиг шинэчлэгдсэн. Ингээд Монгол ёс зүй хүмүүжил, төлөвшлийн хичээл болгон өөрчилсөн. Энэ сурах бичгийн агуулгад  яамны зүгээс нэлээд нухацтай ажилласан. 

 

-Хүүхдийн цүнх хүнд байна гэсэн асуудал жил бүр гардаг. Үүнийг хөнгөлөх талаар ямар арга хэмжээ авч байна вэ?
-Хүүхдийн цүнх хүнд байна гэдэгт талаар яамны зүгээс анхаарч байгаа. Хүүхэд өнөөдөр биеийн хөгжилөө давсан хүнд цүнх үүрч байгаа асуудлыг судлаж үзсэн. Ингээд эцэг, эх, сургууль боловролйн байгууллагад чиглэл өгсөн. Үүнд төдөн настай хүүхэд төдий хэмжээний жинтэй цүнх үүрэг ёстой стандарт гаргасан. Урд нь ч ийм стандарт байсан. Ялангуяа, бага ангийн хүүхдийн ачаалал их байгааг ярьсан.. ингээд багшийг үндсэн ажлаас нь өөр ажил дайчлахгүй байх журам гаргаад байгаа. Багш хүүхэд сургах, хүмүүжүүлэх, төлөвшүүлэх ажлаа хийх ёстой. Үүнээс гадна хүүхдийг гэрийн даалгавраар дарахгүй байх ёстой. Хүүхдийг хичээлээс айдаг, зүрхшээдэг болгохгүй талаас анхаарч байгаа. Хүүхдийг аль болох тоглоомын, хөнгөн, оновчтой аргаар сургах чиглэл өгсөн. Үүнтэй уялдаад хүүхдийг ялгаврлан үзэх олимпиад, уралдаан тэмцээн зохион байгуулахыг хориглосон.  

 

-Энэ жил сургууль цэцэрлэгийн хэдэн тендер хойшлогдсон бэ?
-Энэ жил 137 сургууль, цэцэрлэгийн барих ёстой байсан. Үүний 93 нь цэцэрлэгийн барилга. Цэцэрлэгийн хүртээмжийг сайжруулах, гурван ээлжээр хичлээллэж байгаа сургуулийг болиулах талаар ажилласан. Энэ хзрээнд тендер авсан компаниудад барилгаа өгөх хугацаагаа наашлуулах талаар салбарын сайд аж ахуйн нэгжүүдэд үүрэг өгсөн. Аймгийн Засаг дарга нарт сургууль цэцэрлэг барих төслийн гэрээнд заалтаар дөрвөн чиглэл өгсөн. Өөрөөр хэлбэл сургууль, цэцэрлэгийн барилгыг хугацаанд нь, ямар чанартай гүйцэтгэсэн бэ гэдэг үнэлгээ хийнэ гэсэн юм. Ийм нэмэлт өөрчлөлт барилгын ажил хийх гэрээнд нь орсон байгаа.

 

-Яг хэдэн барилга ашиглалтад орсон юм бэ?
-Яамны зүгээс барилгын компаниудад  хяналт тавьж ирсэн. Тэгэхдээ таван бүст хуваагдаж хяналт тавьсан юм. Ингээд барилгын компаинуд нэлээд эрчимтэй ажилласан. Үр дүнд нь 93 цэцэрлэг ашиглалтад орж 14 мянган хүүхэд цэцэрлэгтэй болсон. Сургуулийн хувьп 47 барилга ашиглалтад орох ёстой. Гурван ээлжээр хичээллэдэг сургуулийн асуудлыг  ер нь шийдсэн.  Жишээ нь нийслэлийн 33 дугаар сургуулийн асуудал бий. Мөн 21 дүгээр суруулийн барилга ашиглалтадл орох гэж байна. Цаашпаа Мэргэджийн хяналтбн газраас, ялангуяа 1970-аад оны барилгад “Ашиглаж болохгүй” гэсэн дүгнэлт гаргахгүй бол нийслэлд сургуулийн асуудал шийдэгдсэн гэсэн үг.

 

-Зарим сургууль стандарт бус барилгад хичээллэж байга мэдээлэл бий. Ялангуяа, Буянт-Ухаа цогцолбор сургууль биеийн тамирын зааланд, Баянзүрх дүүрэгт караокед хичээллэж байгаа гэсэн. Тийм зүйл байгаа юм уу?
-Би энэ талын мэдээллийг тодруулаад эргээд мэдээлэ өгөе. 

 

-Нийслэлийн найман сургуулийн халаалтын асуудлыг шийдээгүй байна гэсэн. Энэ асуудлыг хэрхэн зохицуулж байна вэ?
-Улсын хэмжээнд барилга, орон сууцны халаалт өгөх арай болоогүй байна.   Бид салбарын хэмжээнд өвлийн бэлтгэлээ ханган ажиллаж байгаа. Тэгэхээр энэ бол зөвхөн яриа төдий явж буй асуудал. Сургууль, цэцэрлэг, дотуур байр гээд хүүхдийн хүмүүжих орчинг халуун, дулаан болгоно. Тийм ч байх ёстой.