Монгол Улсын төрийн шагналт, ардын жүжигчин, “Зууны манлай бүжиг дэглээч” Ц.Сэвжидийн нэрэмжит өсвөрийн бүжигчдийн улсын XV наадам болж өндөрлөлөө. Бүжгийн урлагийг хүүхэд багачуудад таниулах, уран бүтээлийн урын санг өвлүүлэх, мартагдсан хуучны бүжгийг сэргээх, түгээн дэлгэрүүлэх, хүүхдийн авьяаc чадварыг нээн хөгжүүлэх зорилготой зохион байгуулсан уг наадам бага, дунд, ахлах гэсэн гурван насны ангиллаар зохион байгуулагджээ. Наадамд нийслэл, дүүрэг, аймаг, сумын 400 гаруй өсвөрийн бүжигчид гоцлол, хамтлаг гэсэн хоёр төрлөөр өрсөлдөж аваргуудаа тодруулжээ.