Ардчилсан хувьсгалын 30 жилийн ой энэ жил тохиож байна. 30 жилийн ойн хүрээнд ардчиллын үнэ цэнийг олон нийтэд сурталчлах, залуу үед ардчиллын тухай зөв ойлголтыг төлөвшүүлэх талаар олон уралдаан тэмцээн зохион байгуулагдаж байна.  Энэ хүрээнд 21 аймаг, нийслэлийн есөн дүүргийн дунд урлаг, спортын их наадам улс орон даяар амжилттай зохион байгуулагдаж байна.
Ардчилсан хувьсгалын 30 жилийн ойн хүрээнд зохион байгуулагдаж буй спортын их наадам “Үндэсний олимп” цогцолборт өнгөрсөн амралтын өдрүүдэд болов.

Спортын наадамд 21 аймаг, нийслэлийн есөн дүүргийн Ардчилсан намын гишүүдээс бүрдсэн баг оролцож, сагс, волейбол,  ширээний теннис зэрэг  спортын таван төрөлд  өрсөлдөв. Тус арга хэмжээнд УИХ-ын гишүүн, Ардчилсан намын дарга  С.Эрдэнэ, УИХ-ын гишүүн Б.Пүрэвдорж, Ардчилсан намын ерөнхий нарийн бичгийн дарга Ц.Туваан нарын холбогдох албаны хүмүүс  оролцож, тамирчдад амжилт хүслээ. Тус наадам бүтэн сарын турш үргэлжилж, бүстээ тэргүүлсэн багууд шилдгийн төлөө өрсөлдөж байгаа юм. Ардчилсан нам 2019 оныг “Залуусын хөгжлийг дэмжих жил” болгон зарласан бөгөөд энэ хүрээнд залуусыг идэвхжүүлэх, чадавхжуулах, харилцан туршлага солилцох зорилгоор шат дараалсан олон арга хэмжээ зохион байгуулж байгаагийн нэг нь энэхүү спортын наадам юм. Спортын “Их наадам”-ын аварга шалгаруулах тэмцээн хоёр үе шаттайгаар зохион байгуулагдсан бөгөөд шилдгүүдээ тодрууллаа. Улс орон даяар зохион байгуулж буй урлаг спортын наадмын нэгдүгээр үе шатыг бүсчлэн зохион байгуулсан бөгөөд Төвийн бүсийг Ц.Батхуяг даргатай Орхон аймгийн Ардчилсан намын хамт олон, Зүүн бүсийг М.Идэрбат даргатай Сүхбаатар аймгийн Ардчилсан намын хамт олон, Баруун бүсийг Ч.Чинбат даргатай Ховд аймгийн Ардчилсан намын хамт олон, Нийслэлийн бүсийг Д.Баттулга даргатай нийслэлийн Ардчилсан намын ХЭГ-ын хамт олон амжилттай зохион байгууллаа.