Монгол орон Ардчилсан тогтолцоонд шилжсэн энэ хугацаанд эрх чөлөөний дуу хоолой, үзэл санааны жигүүр болж ирсэн АРДЧИЛСАН ЗАЛУУЧУУДЫН ХОЛБОО энэ жил 20 нас хүрч байна. Уг ойн хүрээнд Ардчилсан залуучуудын холбооны гишүүн 90 мянган залуусын төлөөлөл 21 аймаг, есөн дүүргээс хуран цуглаж АНДУУД чуулганыг ҮНЭТ ЗҮЙЛ-СОРИЛТ нэртэйгээр 2019 оны арваннэгдүгээр сарын 24-ний өдөр Улаанбаатар хотод зохион байгуулах гэж байна.
Залуус 20 жилийн ойн баяраараа 30 жилийн турш замнасан Ардчилсан тогтолцоогоо дүгнэх, Ардчиллын үнэт зүйлд тулгамдаж буй сорилтуудыг ярилцаж, ядуурал, төсвийн хулгай, өр, технологийн шинэчлэлийн шаардлага, бизнесийн орчин ба авлигал, үндсэн хуульт ёс, байгаль орчны бохирдол, ялгаварлан гадуурхал ба ёс зүй, улс төрийн намын санжүүжилт зэрэг сэдвээр хэлэлцүүлэг, илтгэл, мэтгэлцээн зохион байгуулах ажээ.
Уг арга хэмжээний нэгэн сонирхолтой мэдээ нь 20 жилийн ойн арга хэмжээнд зориулан Ардчилсан залуучуудын холбооноос санаачлан гаргаж буй Монголын төр нийгмийн нэрт зүтгэлтэн, Ардчилсан хувьсгалын зохицуулагч Санжаасүрэнгийн Зоригийн нэрэмжит шагналыг гардуулах ёслол юм. Уг шагналыг нийгмийн үйлстэн, шилдэг хамт олон, шилдэг бизнес эрхлэгч гэсэн ангиллаар шалгаруулан гардуулах ажээ.
Мөн энэхүү ойн баяраар тус байгууллагын үе үеийн ерөнхийлөгчид, АН-ын удирдлагууд болон ҮБХ-ны гишүүд урилгаар оролцох ажээ.