Жижиглэн худалдаа эрхлэгчдэд Зөрчлийн тухай хууль хүнд дарамт шахалт болж байгаа талаар иргэн С.Мишиг мэдээлэл хийлээ. С.Мишиг нь зөвшөөрөлтэй худалдаа эрхэлдэг газар зөвшөөрөлгүйгээр худалдаа эрхэлбэл 50 нэгжээр торгоно гэж заасныг 20 нэгж болгон бууруулсан.

Тэрбээр “Зөрчлийн хууль Монгол иргэдийн хүзүүнд дөнгө болчхоод байна. Жагсаал цуглаанаас үүдэж над дээр гурван зөрчлийн хэрэг нээгдчихсэн байгаа. Хэн нэгэн даргатай уулзах гэж орсныхоо төлөө, Нийслэл дээрээс очиж шаардлага авсныхаа төлөө зөрчлийн хуулиар торгуулдаг. Өнгөрсөн онд бид өлсгөлөн зарлаад, гурав хоногийн дараа зогсоосон. Тэр үед Ерөнхий сайд У.Хүрэлсүх найман худалдаа эрхлэгчийг хүлээн авч уулзахдаа бидний тавьж буй асуудлыг нэн даруй шийдвэрлэж өгнө хэмээн амласан боловч амлалт нь одоог хүртэл хэрэгжихгүй байна. У.Хүрэлсүхийн сэлэм хий эргээд байна.
Хүмүүс надад “Таны өлсгөлөн зорилгодоо хүрлээ” гэж хэлж байсан. Гэхдээ би энэ тоог бууруулах гэж улайран зүтгээгүй юм. Дээд доод хязгаартай болгохоор зорьж байгаа. Өөрөөр хэлбэл, Монголынхоо язгуур эрх ашгийн төлөө явж байна. Өнөөдөр Зөрчлийн тухай хууль ард иргэд бидэнд дөнгө болж байна. 2019 оны зургадугаар сард уулзахдаа “аймаг, нийслэл, дүүрэгт эрх нь зөрчигдөж байгаа иргэдийн саналыг авна” гэж хэлсэн. Гэвч өнөөдөр хүртэл алга.
Хэрэв зөрчлийн хуульд өөрчлөлт оруулна гэвэл энэ дөнгийг олны нүдэн дээр шатаамаар байна. Мөн жолооч нарын оноо хасах журмыг арилгах хэрэгтэй. Зөвшөөрөлгүй зураг авсныхаа төлөө хоёр сая төгрөгөөр торгодгоо болимоор байна” гэлээ.