"Нийтээр тэмдэглэх баярын өдрүүдэд тээврийн хэрэгслийн дугаарын хязгаарлалт үйлчлэхгүй" гэж заасны дагуу Их эзэн Чингис хааны мэндэлсний 857 жилийн ой буюу өнөөдөр /2019.11.27/ автомашины дугаарын хязгаарлалт үйлчлэхгүй. 

Монгол Улсын Ерөнхийлөгч асан Ц.Элбэгдорж эрдэмтдийн судалгааны үр дүн, Монгол Улсын Шинжлэх ухааны академийн өргөн барьсан саналыг үндэслэн Бахархлын өдрийг тэмдэглэж байх тухай зарлигийг 2012 оны нэгдүгээр сарын 9-ний өдөр гаргасан. Тус зарлигт Эзэн богд Чингис хааны мэндэлсэн огноог билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн 1-ний өдөр хэмээн тогтоож, Их хааны мэндэлсэн өдрийг “Монгол бахархлын өдөр” хэмээн нэрийдэж бүх нийтээр ёслон тэмдэглэж байх тухай заасан юм.