Нохой бол хүнээс гадна бидний сэтгэл хөдлөлийг мэдэрч чаддаг цорын ганц амьтан. Та бидний баярлаж хөөрч, гутааж гуньж байгааг маш сайн мэдэрнэ. Ер нь хүний сэтгэл хөдлөл, баяр гунигийг яг л хүн шиг мэдэрч чадна.

Нохой яг л хүн шиг халуунд хөлөрнө. Хүн бүхий л биеэрээ хөлөрч арьсан дээр нь хөлсний дусал илэрдэг бол нохой савар нь л хөлөрнө. Халуун өдөр нохойныхоо саврыг ажиглахад та үүнийг мэдэрнэ.

Нохойны хамрын сарьсан хоншоорын хээ нь яг л хүний хурууны хээ шиг хэзээ ч давтагдахгүй өөр өөрийн хээтэй, ер бусын өвөрмөц байдаг. Гэмт хэргийн мөрдөн байцаагчид ч нохойн оролцоотой төрөл бүрийн гэмт хэргийг мөрдөхдөө үүнийг ашигладаг байна.

Нохойн олон эзэн насныхаа эцэст  өөрийн хайртай амьтандаа  өв хөрөнгөө өвлүүлж үлдээх нь нэг биш. АНУ-д гэхэд л өв хөрөнгө өвлөж авсан “баян” нохой гэхэд бараг сая орчим байна.

Нохой ерийн л дунджаар хүний хүүхэд шиг 200-500 үг цээжилж чадна гэж судлаачид хэлж байна. Тэр байтугай нохой  математикийн ойр зуурын үйлдэл хийж чадна гэнэ.

  Борзы бол хамгийн хурдан нохой
Борзы бол манай гаргийн хамгийн хурдан нохой гэнэ. Энэ үүлдрийн нохой цагт72 км хурдалж чаддаг, Библид энэ тухай дурссан байдаг гэнэ.

Нохойн биеийн дундаж дулаан цельсийн 38.3- 39.4 градус байдаг нь хүний биеийн дундаж халуунаас өндөр байдаг.

Хүн бүрийн хайрлаж өсгөдөг Пит Буль бол үнэн хэрэгтээ бие даасан үүлдэрийнх биш гэнэ. Энэ бол америкийн питбультерьер, америкийн  стаффордширын  терьер, бультерьер, америкийн дог, японы тоса, бордосын дог,  бульдог нарын эрлийз нийлбэр юм гэнэ.

Нохой бороотой байхад гадаа гарах дургүй. Энэ нь борооны чимээ нохойн чихэнд муугаар нөлөөлдөгтэй холбоотой гэнэ.
  Нохой хорт хавдар, бусад өвчнийг хамгийн түрүүнээ мэдэрдэг

Эзэнд нь хорт хавдар, чихрийн шижин тусвал нохой  хамгийн түрүүнээ мэдэрдэг байна. Нохой бүр хорт хавдар уушги, хөх, арьс, давсаг, түрүү булчирхайн алинд нь үүсч байгааг тодорхойлон мэдэрч чаддаг байна. Нохой хаана ийм аюул эхэлж байгааг үнэрээрээ мэдэрч чаддаг гэж судлаачид үзэж байна.

Хүн бол ойролцоогоор таван сая орчим зүйлийг хамраараа мэдэрч хүлээн авч чадна, гэтэл нохой бол 300 мянга орчим зүйлийг үнэрлэж мэдэрч чаддаг байна. Тэр бүү хэл нохой эзнээ багтраа, ханиаднаас сэргийлж чаддаг. Нохойтой гэр бүлд өссөн хүүхэд харшил, ханиадаар бага өвчилдгийг судлаачид тогтоосон байдаг.

Салуки бол хүний мэдэх хамгийн эртний үүлдэр. Эртний Египетэд ийм нохойг хаадын гэр бүл тэжээдэг байсан гэнэ. Ийм нохойг яг язгууртны зиндаанд авч үзэж үхэхээр нь хаадын маягаар занданшуулан оршоодог байжээ.

  Хаски хамгийн тэвчээртэй нохой
Борзы хамгийн хурдан нохой бол сибирийн хаски нохой хамгийн тэвчээртэй нохойд орно. Хаски цагт 17 км-ийн хурдтайгаар өдөрт 160 км зам туулж чадна.
  Нохой дурлаж чадна

Нохой хүмүүстэй ч юм уу, бусад нохойтой  хайрлалцаж дурлан хайрын гормон окситоцин ялгаруулдаг байна. Энэ нь хүний тархинд нөлөөлж харилцан тэврэлдэж, эзэн нь нохойгоо үнсдэг байна.

  Пол Маккартни нохойндоо зориулж дуу зохиож байж
Алдарт Битлз хамтлагийн “Амьдралын нэг өдөр” дууг Пол Маккартни  өөрийнхөө хайртай овчарк Мартыд зориулж бичсэн гэдэг. Тэр бас “Миний хайрт Марта”  гэдэг дуу бичсэн нь 1968 онд “Цагаан цомог”-т нь орсон байдаг.

Дундад зууны үед хүмүүсийг хараал жатга хийсэн хэмээн буруутгаж дүүжлэн хороодог байх үед нохойг хүртэл энэ хэрэгт буруутгадаг байжээ. 1692 онд өнөөгийн америкийн Масса­чусетс мужийн нутаг Салем хотод  хараал жат­га хийсэн хэмээн нэг нохойг дүүжлэн хороож байжээ.

Аугаа их Эх орны дайны үед аврагч ноход байлдааны талбараас ойролцоогоор 700 мянган шархтаныг зөөж гаргасан бол тулалдаж байгаа анги нэгтгэлд 3500 тонн орчим галт хэрэгсэл хүргэж өгсөн байдаг. Мина илрүүлэгч зургаан мянга орчим нохой дөрвөн сая орчим мина, тэсрэх бодис илрүүлжээ.