Нийслэлийн иргэдийн төлөөлөгчдийн хурал өнөөдөр хуралдаж нийслэлийн 2020 оны төсвийг баталлаа. Мөн иргэдийн анхаарлын төвд байсан асуудлуудын нэг болох авто зам ашигласны төлбөрийг тав дахин нэмэгдүүлэх шийдвэр гаргалаа. 

  Мөн “Нийслэлийн өмчөөс 2020 онд хувьчлах хуулийн этгээд, эд хөрөнгийн жагсаалт батлах тухай” асуудлыг хэлэлцсэн бөгөөд Хан-Уул дүүргийн 15-р хорооны нутаг дэвсгэрт байрлах Төв цэнгэлдэх хүрээлэнгийн газрыг дуудлага худалдаагаар зарахаар шийдвэрлэв. Тодруулбал “Төв цэнгэлдэх хүрээлэн” ХХК-ийн нийслэлийн мэдлийн 49 хувийг 20 тэрбум төгрөгөөр тооцоолон компанийн хуулийн дагуу санал болгон хувьчлах юм байна.