Эрүүгийн цагдаагийн албанаас арваннэгдүгээр сарын 29-30-ны өдрүүдэд Баянзүрх, Баянгол, Чингэлтэй дүүргийн нутаг дэвсгэрт биеэ үнэлэхийг зохион байгуулж байсан 9 саун массажны газрыг илрүүлэн, үйл ажиллагааг таслан зогсоосон байна. Хуулиар хориглосон үйл ажиллагааг зохион байгуулсан нэр бүхий есөн иргэн, мөн дүүргүүдийн нутаг дэвсгэрт хуулиар хориглосон мөрийтэй тоглоом зохион байгуулж байсан дөрвөн газрыг илрүүлэн шалгаж, үйл ажиллагааг нь таслан зогсоолоо. Мөрийтэй тоглоом зохион байгуулсан нэр бүхий иргэдэд Зөрчлийн тухай хуулиар арга хэмжээ авч,  тоглож байсан 51 иргэнийг бүртгэл судалгаанд хамруулан, ажилласан байна.

Цаашид цагдаагийн байгууллагаас биеэ үнэлэхийг зохион байгуулах, мөрийтэй тоглоом чиглэлээр хамтарсан шалгалтыг үе шаттайгаар зохион байгуулан ажиллана гэдгээ мэдэгдсэн юм.

Дээрх төрлийн зөрчлүүд нь Эрүүгийн болон Зөрчлийн хууль шинэчлэгдэж байгаатай холбоотойгоор Зөрчлийн тухай хуулийн 5.7-д заасан “Мөрийтэй тогтоом зохион байгуулах”, 6.18-д заасан “Биеэ үнэлэхийг зохион байгуулсан, орон байраар хангасан, биеэ үнэлэхэд зуучилсан” гэх заалтуунд нь МУ-ын Эрүүгийн хуульд оруулах хуулийн төслийг Хууль зүйн байнгын хорооны 2019 оны аравдугаар  сарын 29-ний өдрийн хуралдаанаар хэлэлцэн шийдвэрлэсэн байна.