Сүхбаатар дүүргийн нутаг дэсвгэр, Сүхбаатарын талбайн орчимд өнөөдөр бага насны хүүхдүүд авто машин жолоодон хөдөлгөөнд оролцож байхад нь саатууллаа.

Тодруулбал 10-12 насны таван эрэгтэй хүүхэд байсан бөгөөд тээврийн цагдаагийн алба хаагчид шалгахад хүний машинд түлхүүр тааруулан хулгайлан унасан нь тогтоогдсон байна.

 Тэд удаа дараа эзэнгүй асаалттай орхисон бусдын машиныг түлхүүр тааруулан хулгайлсан үйлдэлтэй хүүхдүүд байжээ. Мөн тэд биедээ өөр тээврийн хэрэгслийн түлхүүрийг оймсондоо нуусан байсан нь илэрсэн байна. Тээврийн цагдаагийн албанаас энэ талаар тодруулахад, "Хүүхдүүдийг хэлтэст авчирч мэдүүлэг авч байгаа. Түүний дараа  хүүхдүүдийг эцэг, эх, асран хамгаалагчид нь хүлээлгэж өгнө "гэв.

Тухайн хүүхдүүд цахим тоглоомын газар болон гулгахаар тухайн тээврийн хэрэгслийг унаж явсан гэдгээ мэдүүлжээ. Тэднийг ямар нэг осол аваар гаргахаас нь өмнө цагдаагийн албан хаагчид зогсоож, саатуулсан байна. Уг хэргийг харъяаллын дагуу Сүхбаатар дүүргийн цагдаагийн нэгдүгээр хэлтэст шилжүүлэн шалгалтын ажиллагаа үргэлжлүүлэн явуулахаар болжээ.