Азийн хөгжлийн банкнаас Монгол Улсын Засгийн газарт үзүүлэх буцалтгүй тусламжийн хүрээнд “Хөгжлийн бодлого, төлөвлөлтийн мэдээллийн нэгдсэн систем хөгжүүлэх” төслийг өнгөрсөн хоёр жилийн хугацаанд Үндэсний хөгжлийн газарт амжилттай хэрэгжүүлж дууслаа.

Нэгдсэн системийн нээлтийг хийж Монгол Улсын бүсчилсэн хөгжлийн бодлогын баримт бичгийн төслийг Үндэсний хөгжлийн газрын дарга Б.Баярсайхан танилцуулсан юм.

Систем хэрэглээнд нэвтэрснээр хөгжлийн бодлого, төлөвлөлттэй холбоотой мэдээллийг иргэдэд ойлгомжтой байдлаар хүргэх, чиглэлийг тодорхойлох мэргэжил арга зүйн зөвлөгөө өгч, нэгдсэн мэдээллээр хангана. Мөн Монгол Улсын таван бүс, 21 аймаг, 330 сумын хөгжлийг индексжүүлэх, үйлдвэрийн кластерыг тодорхойлох, хөрөнгө оруулалтыг сумын түвшний нарийвчлалтай, салбараар оновчлох боломж бүрдэнэ” хэмээн  системийн давуу талуудыг танилцуулсан юм.  

Танилцуулгаар “Орон нутгийн түвшинд, бодлого боловсруулахад аймаг, сумын хөгжлийн загвар, тэргүүлэх  бодлогын баримт бичиг боловсруулахад иргэдийн оролцоог нэмэгдүүлэх, иргэдийн хэрэгцээг цахимаар хүлээн авах, цаашлаад гадаадын хөрөнгө оруулагч нарт үнэн бодит мэдээлэл хүргэх зэрэг олон давуу тал үүсч байгаа аж. Түүнчлэн иргэд, олон нийт системээр нэвтрэн баримт бичигт тусгах саналаа өгч болох юм байна.