Ардчилсан намын нийт гишүүд; дэмжигчдийн дунд зохиогдсон "Урлагийн их наадам"-ын гала тоглолт өнөөдөр /2019.12.06/ МҮЭСТО-нд болж шилдгүүдээ тодрууллаа. Ардчилсан хувьсгалын 30 жилийн ойн хүрээнд Монгол орны өнцөг, булан бүрт ажиллаж, амьдарч буй гишүүд, дэмжигчдийн дунд зохион байгуулагдсан урлагийн их наадмын тэргүүн байрт нийслэлийн Сонгинохайрхан дүүргийн Ардчилсан намын хамт олон шалгарсан юм. Харин удаах байрт Баянхонгор аймаг, гуравдугаар байрт Баян-Өлгий аймгийн Ардчилсан намын гишүүд, дэмжигчид шалгарсан бол тусгай байрын шагналын эзнээр Багахангайчууд тодорлоо. Ардчилсан хувьсгалын 30 жилийн хүрээнд зохион байгуулагдсан урлаг, спортын их наадам орон даяар бүтэн сарын турш үргэлжилсэн бөгөөд шилдгийн шилдэг үзүүлбэрүүд энэ сарын 8-нд Соёлын төв өргөөнд болох баярын үйл ажиллагааны үеэр олны хүртээл болох юм.