УИХ-ын гишүүн, Барилга, хот байгуулалтын сайд асан З.Баянсэлэнгэд холбогдох хэргийг шүүхээр хэлэлцэх үеэр хэдийгээр шүүх хурал нь хойшилсон ч, шүүхээс, шүүгчээс, өмгөөлөгчөөс гурвуулангаас татгалзсан гэх үндэслэлээр түүнийг аравдугаар сарын 21-нд 461-р ангид хорьсон билээ.

 Дараачийн шүүх хурал арваннэгдүгээр сарын 28-нд болсон ч З.Баянсэлэнгийг үргэлжлүүлэн хорьсон юм. Түүнийг Барилга, хот байгуулалтын сайдаар ажиллаж байхдаа албан тушаалаа урвуулан ашиглаж, "Түрээсийн орон сууц” хөтөлбөрөөс улсад онц их хэмжээний хохирол учруулсан гэх хэрэгт буруутгасан.  Хоригдож байх хугацаанд төрсөн дүү нь нас барсан ч түүнийг гаргаагүй бөгөөд батлан даалтад гарах хүсэлтээ шүүхэд хүргүүлсэн ч хүлээж аваагүй билээ. харин өнөөдөр УИХ-ын гишүүн асан З.Баянсэлэнгэ суллагдсан байна. Энэ тухайгаа “Би нь эргээд ирлээ ккк. Санаа тавьсан нүүр номын найзууддаа баярлалаа. Би нь бууж өгөхгүй ээ” хэмээн бичиж жиргэжээ.