Баярын өдрүүдэд гэр бүл, найз нөхөд, хамт олноороо аз жаргалтай өдрийг өнгөрүүлэх газруудын эрэлт нэмэгддэг. Монголд анх удаа зул сарын нээлттэй худалдаа зохион байгуулагдаж байна.
Christmas market буюу зул сарын нээлттэй худалдаа нь Герман улсаас гаралтай бөгөөд анх 1384 онд зохиож байжээ. Тийнхүү өдгөө өргөжин тэлж дэлхийн олон улс оронд уламжлал болгон тэмдэглэсээр байна. Харин энэ арга хэмжээг Монголд анх удаа Buddha food street-д энэ сарын 31-ийг хүртэл зохион байгуулж байна.
 Гэр бүлээрээ, хүүхдүүдтэйгээ хамтдаа зочилж амтат хоол зооглонгоо гялалзах гэрэл, гацуур модны чимэглэл сонирхон, шинэ жилийн дуу эгшиглэсэн сайхан орчин бүрдүүлжээ. Энд Монгол, Хятад, Япон, Солонгос, Европ хоолны ресторанууд ажиллаж байгаа юм. Мөн олон байгуулагууд өөрсдийн онцгой бүтээгдэхүүн, бэлгийн багцуудыг бэлджээ.
 Баярын өдрүүдээр өөрийн бүтээгдэхүүн үйлчилгээг олонд таниулахыг хүсч буй декор чимэглэлийн дэлгүүр болон хүнсний бүтээгдэхүүн борлуулах хувь хүн албан байгууллагуудтай хамтран ажиллах гэнэ.
Энэхүү өдөрлөгөөр халуун вино, зайдас, олон төрлийн амттан, гар урлал, гоёл чимэглэл, бэлгүүд худалдаалахаас гадна урлагийн тоглолт, карневалын үзүүлбэрүүдээр олныг баясгадаг. Энд долоо хоног бүрийн лхагва, баасан, бямба гаргуудад энтертайнмент хөтөлбөр болон олон төрлийн уралдаан тэмцээн зохион байгуулагдах гэнэ шүү.