Д.СОЁМБО

 “Бид уучлахгүй” хөдөлгөөний залуус Хууль зүй, дотоод хэргийн яам өрөөнүүддээ өндөр үнэтэй засвар, үйлчилгээ, худалдан авалтууд хийж байгаа талаар баримтуудыг дэлгэсэн. Тэдгээр засвар хийсэн өрөөнүүдтэй танилцахаар тус хөдөлгөөнийхөн өчигдөр яаман дээр очсон ч цагдаа нар саатуулсан билээ.

 Улмаар “Бид уучлахгүй” хөдөлгөөний тэргүүн Б.Мөнхцэлмэгийг Төрийн тусгай хамгаалалттай газар танхайрсан хэргээр холбогдогчоор татсан байна.
Тэд Хууль Зүй дотоод хэргийн яам 626 сая төгрөгөөр эд хогшил худалдан авалт хийсэн баримтыг дэлгэсэн.
Тэгвэл өчигдөр зарим худалдан авалтын шинэ баримтуудыг дахин ил болгожээ.

 “Бид уучлахгүй” хөдөлгөөнөөс өчигдөр Нийслэлийн IV амаржих газар гэхэд хөрөнгө оруулалтгүйгээс ашиглалтад ороогүй удаж байгаатай танилцсан байна.
Б.Мөнхцэлмэг “12 жил ашиглалтад ороогүй IV төрөх эмнэлэг дээр очлоо. Төрөх эмнэлэг нь төсөв мөнгөний асуудалтай, төрийн дарга нарын контор нь гэтэл ийм л байна даа. Дарга нар аа, ичээрэй” гэжээ.