ШӨХТГ, “Мобиком корпорац нь  хэрэглэгчийн саналыг авалгүйгээр өөрсдөө дур мэдэн өөр багцын үйлчилгээнд шилжүүлсэн” гэсэн гомдлын мөрөөр шалгалт хийсэн тухай мэдээллээ. Уг мэдээллийн мөрөөр хийсэн шалгалтаар “Мобиком корпорац нь хэрэглэгчдэд бараа үйлчилгээний талаар үнэн зөв мэдээллийг хүргэж чадаагүй. Гэрээ нь хэрэглэгчийн үйлчилгээний нөхцөлийг дордуулсан. Багцын үйлчилгээгээ хэрэглэгч бүртээ хүргэдэггүй, гэрээлэгч тал илүү давуу эрх эдэлсэн” зэрэг зөрчил илэрч тус компанид 20 сая төгрөгийн торгууль ногдуулжээ. Мөн уг шалгалтаар Юнивишн-ийг таван сая төгрөгөөр торгосон байна.