Шинэ төрлийн коронавирусийн халдвар дэлхий дахиныг хамран түүнийг дагасан эдийн засгийн хямрал нүүрлээд байгаа энэ 2020 оны хүн төрөлхтөнд учрах өөр аюул бас байгаа хэмээн цаг уурчид хэлж байна. Тэднийхээр уур амьсгалын өөрчлөлтөөс болоод энэ жил түүхэн дэх хамгийн халуун жил болно гэснийг New York Post хэвлэл нийтэлжээ. АНУ-ын Үндэсний уур амьсгал, далай судлалын удирдах газрын (NOAA) мэргэжилтнүүдийн хэлснээр энэ оны агаарын дундаж температур хэт өндөр байж, 2016 оны дээд амжилтыг давж гарах магадлал 75 хувьтай байгаа гэнэ. Энэ нь ердөө агаар мандалд тархах хүлэмжийн хийг бууруулах ажил хангалтгүй байгаатай холбоотой гэж шинжээчид үзэж байна. Дөрвөн жилийн өмнө 2016 онд умрын дулаан урсгал Эль-Ниньогийн нөлөөллөөр Номхон далайн экваторын бүсэд усны гадаргуу дээрх температур эрс нэмэгдсэн. Харин энэ онд Эль-Ниньо бол хэт халууны шалтгаан болохгүй юм байна.
Ингэж хэт халах юм бол 2020 он түүхэн дэх хамгийн халуун болсон жилүүдийн жагсаалтын эхний тавд орно гэж NOAA-ийн мэргэжилтнүүд хэлж байна. Өнгөрөгч нэгдүгээр сард Арктикийн бүс нутагт хур тундас эрс багассан нь ажиглагдсан бол хоёрдугаар сард Антрактидад түүхэн дэх хамгийн өндөр температуртай байсныг судлаачид тэмдэглэжээ.

ЭХ СУРВАЛЖ: "АРДЧИЛАЛ ТАЙМС" СОНИН