Улаанбаатар хотын Захирагчийн ажлын албанаас моддыг ялгаж ачууллаа. Учир нь ирсэн моднууд 6м өндөртэй бусад моднуудтай харьцуулахад титэм бага, үндэсний ком жижигтэй тул дээрх салхи ихтэй байршилд ургалт удаашрах эрсдэлтэй юм. Үлдсэн моднуудыг байшингийн нөмөрт, орон сууцны хотхон дотор бичил цэцэрлэгт хүрээлэн чиглэлээр бөөнд нь тарихаар төлөвлөж байна.

Хотын Ерөнхий менежер гудамж талбайд таригдах том оврын нарс моднуудын титэм, өндрийг шалгаж таригдах байршлуудыг нэг бүрчлэн зааж өгчээ. Талбай дээр Хотын Ерөнхий менежерээс гадна Чанарын менежментийн зөвлөлийн доктор, дэд профессор Д.Чанцалням, Хотын тохижилт цэцэрлэгжүүлэлтийн хэлтсийн мэргэжилтэн, хяналтын төрийн бус байгууллагын албан хаагчид ажиллаж байна.