Улсын хэмжээнд 7500 хүнд шинжилгээ хийхэд 1288 хүнээс коронавирусийн халдвар илэрлээ. Үүний гурав нь эрүүл мэндийн салбарын ажилтан байна.

Сүүлийн 24 цагт 4 нас барж, нас барсан хүний тоо 311 боллоо. Мөн 185 хүн эдгэрч, эдгэрсэн хүний тоо 53780 болсон байна.

• 5-р сарын 13-ны өдөр онош батлагдсан 62 настай эрэгтэй
• 5-р сарын 29-нд онош батлагдсан 37 настай эрэгтэй
• 6-р сарын 1-нд онош батлагдсан 8 настай эмэгтэй хүүхэд
• 6-р сарын 3-нд онош батлагдсан 62 настай эмэгтэй ковид-19-ийн хүндрэлийн улмаас нас баржээ. 

Халдварын сүүлийн үеийн нөхцөл байдлыг харахад вакцин хийлгээгүй хүмүүс халдвар авах эрсдэл нэмэгдэж байна. Тухайлбал, энэ долоо хоногт бүртгэгдсэн тохиолдлын 30 орчим хувь нь 0-17 насны  хүүхэд халдвар авсан байна. Тиймээс хүүхдүүдээ аль болох гадуур гаргахгүй, халдвар хамгааллын дэглэм барих, хүүхдэдээ тавих анхаарал халамжаа нэмэгдүүлэхийг ЭМЯ-наас зөвлөв.