Тиймээс иргэдийн мэдээлэл энэ төрлийн зөрчлийг арилгахад чухал үүрэгтэй гэдгийг албаныхан хэлж байна. Тухайлбал, Замын хөдөлгөөнд оролцож буй жолооч нарын хувьд автобусны буудал дээр удаан зогсох, тэмдэг тэмдэглэгээ зөрчих, уулзвар гарц хаах, уулзварт давхар эргэх, эгнээ хааж зогсох, эгнээ байр буруу эзлэх, гэрлэн дохио зөрчих зэргээр замын хөдөлгөөний дүрмийг ихээр зөрчдөг. Үүний улмаас түгжрэл үүсэж, хөдөлгөөний ачааллыг нэмэгдүүлэх нэг шалтгаан болдог. Тиймээс замын хөдөлгөөний соёлыг дээшлүүлэх, зөрчлийг бууруулах, иргэдийн оролцоо, хяналтыг нэмэгдүүлэх, болзошгүй аюулаас урьдчилан сэргийлэх зорилгоор Замын хөдөлгөөний удирдлагын төв, Тээврийн цагдаагийн газар хамтран “E-Police” аппликейшнийг нэвтрүүлсэн билээ.

Дээрх зөрчлийн талаарх мэдээллийг иргэд “E-Police” аппликейшнд мэдээлэх боломжтой юм.