Сүүлийн өдрүүдэд иргэд мөсөн дээгүүр тээврийн хэрэгсэлтэй явж байгаад мөс цөмөрч голд живж нас барах харамсалтай тохиолдлууд тасрахгүй байна. 

Тухайлбал, өнөөдөр буюу арваннэгдүгээр сарын 10-ны өдөр Хөвсгөл аймгийн Цагааннуур сумын нутаг Шишхэдийн голын мөс цөмөрч Уаз фургон маркийн автомашинтайгаа иргэн Д.Б /эм.37/, П.Б /эр.57/ нар живж нас барсан. Аймгийн цагдаагийн газар, Онцгой байдлын хэлтсийн алба хаагчид эрэн хайх ажиллагааг явуулж байгаа аж.

Мөн хүйтний улирал эхэлсэнтэй холбоотой иргэд гудамж талбайд осгож нас барах тоиолдол ихсэх хандлагатай байна. Сүүлийн 1 сарын хугацаанд улсын хэмжээнд 29 иргэн осгосон байдалтай нас барсан байна.

Үүнээс 51,7 хувь нь нийслэл хотод бүртгэгдсэн. Осгож нас барсан иргэдийн 58,6 хувь нь архи, согтууруулах ундааны зүйл хэрэглэсэн үедээ, 41,4 хувь нь бусад шалтгааны улмаас осгож нас барсан байна. 27 хүн нь эрэгтэй, 2 эмэгтэй хүн байна.  Иймд иргэд та бүхэн голын мөсөн дээгүүр явахгүй байх, мөн архи согтууруулах ундаа хэрэглэхгүй байхыг анхааруулж байна.