Өнөөдөр Барилгын хөгжлийн төвийн удирдлагууд Хотын стандарт, орчны аюулгүй байдлын хяналт, зохицуулалтын газрын удирдлагуудыг хүлээн авч уулзан санал солилцлоо.

Барилгын хөгжлийн төвийн захирал Ц.Амарсанаа, дэд захирал О.Одбаяр болон бусад хэлтсийн дарга нар, Хотын стандарт, орчны аюулгүй байдлын хяналт, зохицуулалтын газрын дарга С.Төмөрдулам, орлогч дарга О.Оджаргал болон бусад холбогдох албаны хүмүүс оролцсон юм.

Хотын стандартын хууль эрхзүйн орчин, барилга байгууламжийг ашиглалтад оруулах үйл ажиллагааны явц, стандарт норм дүрэм, орчны аюулгүй байдлын судалгааг танилцуулж, цаашид хоёр байгууллагын хамтран ажиллах чиглэл болон үйл ажиллагааны явцад гарч буй хүндрэл, тулгамдсан асуудлуудын талаар ярилцаж, мэдээлэл солилцлоо.

Барилгын хөгжлийн төвийн захирал Ц.Амарсанаа “Манай хоёр байгууллага бодлого нэгтэй, зорилго нэгтэй хамтран ажиллах ёстой. Монгол Улсын барилгын салбар 100 хувь хувийн хэвшилд шилжсэн. Улсаас оролцож байгаа оролцоо нь улсын төсвийн хөрөнгө оруулалттай барилга байгууламж, улсын комисс ажиллахад оролцож байна. Хотын аюулгүй байдлыг хангуулах, барилга байгууламжийн чанар стандартыг мөрдүүлэх тал дээр бид илүү анхаарах ёстой. Нөгөө талаас 2021 оны долдугаар сарын 20-нд Улсын комисс ажиллах дүрмэнд өөрчлөлт орсон. Энэ өөрчлөлтийг дагаж мөрдөн, албан байгууллага, аж ахуйн нэгжүүдийг хүндрүүлэхгүй, төрийн үйлчилгээг хурдан шуурхай үзүүлж ажиллах нь чухал байна” гэж уулзалтын үеэр хэлсэн үгэндээ онцлов.