Эмээлтийн махны захын хэрүүлээс үүдэлтэй сүүлийн хэд хоногт эрүүл мах идэж байгаа эсэхэд иргэд эргэлзэж эхлэв. Чухам энэ асуудалд хэн хариуцлага хүлээх вэ. Хэдэн хэвлэл очиж сурвалжлаад зогсчих асуудал биш. Үндэсний аюулгүй байдлын асуудал.  Мэргэжлийн хяналт гэж байгууллага энэ хооронд юу хийж байв. Шадар сайдын эрхлэх ажлын хүрээнд Мэргэжлийн хяналтын байгууллага багтдаг.

Гэтэл хариуцаж ажиллах ёстой хүмүүс нь асуудлыг өөр тийш нь эргүүлэх гэж, бүр цаашлаад Эмээлт орчмын мах бэлтгэлийн ажил муу байсан гээд Шадар сайд С.Амарсайхан  яриад сууж байх юм. Өөрийнх нь эрхлэх ажлын хүрээнд багтдагийг сая л мэдсэн гэлтэй хэн нэгнээс хариуцлага нэхээд байгаа бололтой шүүмжиллээ.   Хамгийн чухал хүнсний асуудал сөхөгдсөнөөс хойш гэнэт л ухаарав уу. Яг энэ үед Хүнсний аюулгүй байдлын асуудлыг Ерөнхийлөгч хөндөн УИХ-ын байнгын хороогоор  энэ талаар хэлэлцэж, дараа нь чуулганы хуралдаанаар  хэлэлцэнэ.

Өнгөрсөн лхагва гаригт Засгийн газрын хуралдаанаар мах боловсруулах үйлдвэрийн хяналт шалгалтын явцыг сонсож, Шадар сайд С.Амарсайханд  Ерөнхий сайд үүрэг чиглэл өгсөн. Эрхлэх ажлынхаа хүрээг мэдэхгүй явж ирсэн Шадар сайд хэл ам дагуулсан махны хэрүүлийн асуудлыг хэрхэн шийдэхийг харж л сууя.

М.Хүслэн