Нийслэлийн Удирдах ажилтнуудын шуурхай зөвлөгөөн боллоо. Зөвлөгөөнөөр цаг үеийн шинжтэй асуудлуудыг хэлэлцэн, холбогдох албан тушаалтнуудаас тайлбар авав.

Шуурхай зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагч Д.Сумъяабазар дараах үүрэг, даалгаврыг өглөө. Тухайлбал,

- Сайжруулсан шахмал түлшний борлуулалтын цэг нэмэгдүүлэх ажлаа эрчимжүүлж, борлуулалтын цэгүүдийг сайжруулсан түлшээр тасалдуулахгүй байхад анхаарч, угаарын хийн хордлогоос урьдчилан сэргийлэх ажлаа эрчимжүүлж ажиллах

- Нийслэлийн авто тээврийн шалган нэвтрүүлэх товчоодын төлбөр хураах цэгийг цахимжуулах ажлыг шуурхай зохион байгуулж 2022 оны арваннэгдүгээр 1-ний дотор багтаан системийг хэрэглээнд нэвтрүүлэх

- Томуу, томуу төст өвчнөөс урьдчилан сэргийлэх ажлын хүрээнд хүүхдийн тусламж, үйлчилгээ үзүүлж бүх шатны эрүүл мэндийн байгууллагууд бэлтгэл ажлаа сайтар хангах, эмнэлгийн тусламж үйлчилгээг түргэн шуурхай, хүндрэл чирэгдэлгүй үзүүлж ажиллах

- Томуу, томуу төст өвчнөөс урьдчилан сэргийлж ерөнхий боловсролын сургуулийн сурагчдыг анги, танхим, дотоод орчиндоо амны хаалт зүүлгэх зөвлөмж чиглэлийг өгч, хэрэгжилтэд тогтмол хяналт тавьж ажиллахыг тус тус үүрэг болгов.