Хөгжлийн банкны чанаргүй зээлийн асуудалд иргэд, олон нийт хараа хяналт тавьж чухам юу болсон талаарх мэдээллийг ил тод авч чадлаа.

Нотлох баримтыг шинжлэн судлах сонсгол зохион байгуулагдсанаар Хөгжлийн банкны чанаргүй зээлд хариуцлага тооцох, зээлийн эргэн төлөлтийг  эрчимжүүлэхэд томоохон хувь нэмэр болж байна. Ерөнхий сайд Л.Оюун-Эрдэнэ хэлэхдээ: Шударга ёсны тэмцэлд хууль, хүчний байгууллагын ажилтнуудын хүчин чармайлт чухал байна” гэдгийг онцлон хэлсэн нь Хөгжлийн банк, нүүрсний хулгай зэрэг авлига, албан тушаалтнууд холбогдсон хэргийг Засгийн газар онцгойлон анхааралдаа авч, хариуцлага тооцох ажлыг шат дараатайгаар явуулж эхэлснийг харж болно.

Үүнтэй зэрэгцээд авлигын хэрэгт хүлээлгэх хариуцлагыг чангатгаж, төрийн өндөр албан тушаалтнуудын хамаарал бүхий этгээд төрийн удирдах албан тушаал хаших, төрийн худалдан авалтад оролцох зэргийг хязгаарлах хуулийн төслийг боловсруулан УИХ-д өргөн бариад байгаа аж.