Үргэлжилж орсон усархаг борооны улмаас хотын ихэнх хэсэг усанд автаад байгаа билээ. Үүнтэй холбогдуулан зарим замыг хаасан талаар Тээврийн Цагдаагийн Албанаас мэдээллээ. 

ТЦА-ны Урьдчилан сэргийлэх хэлтсийн дарга, цагдаагийн дэд хурандаа Б.Очирбат "Усархаг бороо үргэлжлэн бороо орсны улмаас Дунд голын усны түвшин нэмэгдэж, далан сэтрэн, Буянгийн зам хаагдлаа.

Нарны замын зүүнээс баруун тийш хөдөлгөөн түгжирсэн. Одоогоор 

• Хан-Уул дүүрэг дэх Энхтайваны гүүрний доор байрлах Петровис ШТС-ын зүүн тал
• Төв цэнгэлдэх хүрээлэнгийн арын тойрог, нүхэн гарц
• Сүхбаатар дүүрэг дэх Буянгийн зам, төмөр гүүрнээс урагш Нарны зам хүртэл,
• Соёолж нүхэн гарам
• Баянзүрх, Натур орчмын замуудыг хаасан нөхцөл байдалтай байна" гэлээ. 

Түүнчлэн тэрбээр цаг уурын байгууллагын мэдээллээр долдугаар сарын 10-н хүртэл бороо үргэлжлэн орох төлөвтэй байгаа тул хөдөлгөөнд оролцож буй жолооч, явган зорчигч нар нөхцөл байдалдаа тохируулж зорчихыг зөвлөсөн. Авто замын замын зорчих хэсэг усаар дүүрэн, уулзваруудад ус тогтож байгаа учир жолооч нарыг явган зорчигчдод хүндэтгэлтэй хандаж, ус тогтсон хэсэгт хурдаа сааруулахыг уриаллаа.