Төв аймгийн Сэргэлэн сумын нутагт, Хөшигийн хөндийн нисэх буудлаас таван км зайд 16.4 МВт-ын хүчин чадалтай шинэ нарны цахилгаан станц ашиглалтад орлоо. Монголын “Тэнүүн гэрэл” констракшн, японы Sharp Energy Solutions, тайландын Sermsang Power Corporation хамтран гүйцэтгэж ашиглалтад оруулжээ. Энэ цахилгаан станц жилдээ 30 144 356 кв/цаг эрчим хүч үйлдвэрлэх чадалтай юм.

Монгол анхны 10 МВт хүчин чадалтай нарны цахилгаан станцыг 2017 онд Дархан-Уул аймагт японы Sharp компанийн оролцоотойгоор барьж ашиглалтад өгч байсан юм. Дараа нь 2018 онд Дорноговь аймагт 15 МВт хүчин чадалтай станц барьсан.
Эрдэмтдийн тооцоогоор Монгол Улсын эрчим хүчний хэрэглээ 2020 он гэхэд 1400 МВт.цаг болох бол 2025 онд 2000 МВТ.цаг болох юм байна. Улсын хэмжээнд ердөө долоохон цахилгаан станц ажилладаг нь үндсэндээ Зөвлөлтийн дэмжлэгээр барьсан юм. Ийм ч учраас Монгол өнөөдөр ч гэсэн Оросоос эрчим хүч импортолсоор байгаа юм хэмээн оросын eadaily.com сайт мэдээлжээ.