Дэлхий даяар жилд 3.3 сая хүн нас бардаг, үүний 5.9 хувийг архины шалтгаантай нас баралт эзэлдэг. Монгол улсын нийт хүн амын 51.8 хувь нь архийг байнга хэтрүүлэн хэрэглэдэг, үүнээс 68.5% нь эрэгтэйчүүд байна. Насанд хүрэгчдийн дунд архинд донтох эмгэгтэй хүн 13.6%-ийг эзэлдэг, үүнээс эрэгтэйчүүд 22% эзэлдэг ба жил бүр тус тоон үзүүлэлт өсч байна.

Монгол улсын нийт хүн амын 30-46% нь сэтгэцийн тулгамдсан асуудалтай буюу манай оронд хамгийн багадаа 500 мянган хүн сэтгэцийн тулгамдсан асуудалтай гэсэн судалгаа байдаг.  Сэтгэцийн тулгамдсан асуудалтай хүн нь сэтгэцийн хувьд тайван бус болж бусадтай харилцах харилцаа , ёс зүйн хэм хэмжээ, хичээл сурлагын хувьд мэдэгдэхүйц доголддог байна.

Мөн дэлхий дахинд 2 тэрбум хүн согтууруулах ундааг хэрэглэж байна. Жилдээ 100 сая орчим хүн архины стандарт бус хэрэглээнээс үүдэн эрүүл мэндээр хохирч байна. Дэлхий даяар жилд 3.3 сая хүн нас бардаг, үүний 5.9 хувийг архины шалтгаантай нас баралт эзэлдэг. ДЭМБ-аас мэдээлснээр Карпатын Еврегион орнуудын архины хэрэглээний түвшин өндөр байгааг судалсан ба Европын нэг хүнд ноогдох архины хэмжээ дунджаар 10.3 литр байна. Монгол улсад нэг хүнд ноогдох архины хэмжээ дунджаар 44 л байгаа нь архины хэрэглээний түвшин европын орнуудаас 4 дахин их байгааг илтгэж байна.