Өвлийн улиралд халтиргаа гулгаа нэмэгдсэний улмаас гэмтэж бэртэн эмнэлгийн байгууллагад хандах иргэдийн тоо олширчээ. ГССҮТ-ийн Яаралтай тусламжийн тасагт гэхэд л халтиргаа гулгаанаас болж гэмтэж бэртэн эмчлүүлэхээр ирэгсдийн тоо хоногт 70-80 хүрч байна.

Скай Хайпермаркет ХХК буюу Имартын хамт олон нийгмийн хариуцлагын хүрээнд  360 ажилтныхаа оролцоотойгоор “Хамтдаа цас цэвэрлэцгээе” аяныг амжилттай зохион байгууллаа. Шинэ оны анхны сайн үйлсийн аянаа тэд ийнхүү эхэлж, салбар дэлгүүрүүдтэйгээ ойр байрлах, олны хөл хөдөлгөөн ихтэй ‘‘Улсын Хоёрдугаар төв эмнэлэг’’, ‘‘Гэмтэл согог судлалын үндэсний төв’’, ‘‘Хавдар судлалын үндэсний төв’’ болон ‘‘Нэгдсэн гуравдугаар  эмнэлэг’’-ийн нийт 1800 м2 талбайд   дагтаршсан цас мөсийг цэвэрлэсэн байна.