Олон улсын сэтгүүлчдийг хамгаалах хороо хэвлэлд хамгийн хатуу хяналттай 10 орныг нэрлэхэд Эритрей энэ жагсаалтыг тэргүүлсэн байна. Эдний араас  Умард Солонгос, Туркменистан орнууд орлоо гэж мэдээлжээ. Эдгээр улс орнуудад ашигладаг  хэвлэлийн эрх чөлөөг хязгаарлах хууль, сайтуудыг блоклох, чөлөөт хэвлэлийг хаах зэрэг төрөл бүрийн аргуудад үнэлэлт өгсний үндсэн дээр энэ жагсаалтыг гаргасан байна.
Эхний арван байрт Саудын Араб, Хятад, Вьетнам, Иран, Экваторын Гвиней,  Белорус, Куба улсууд оржээ.
Судалгааны авторуудын хэлснээр бол Эритрей 2001 онд бүхий л хараат бус бүх хэвлэлийг хаажээ. 2018 оны арванхоёрдугаар сарын 1-ний байдлаар тус улсын шоронд хамгийн багаар бодоход 16 сэтгүүлч хоригдож байгаа юм байна. Тус улсад хүн амын дөнгөж нэг хувь нь л интернет ашигладаг ч засгийн газраас байнга хязгаарладаг гэнэ. 2019 оны тавдугаар сард тус улс олон нийтийн сүлжээг бас хаажээ.
Судалгаанд энд орж байгаа 10 улс “иргэний үг хэлэх эрх чөлөөний олон улсын хэм хэмжээг зөрчиж, сэтгүүлч сурвалжлагчдыг шоронд хорьж, төрийн хэвлэл мэдээллийн хэрэгслийг эрх баригч дэглэмийг хамгаалж гол тулгуур болгож байна” гэж тэмдэглэсэн байна. Жагсаалтад орж байгаа улс орнууд хэвлэлинй хяналтын уламжлалт арга болох “хараат бус хэвлэлийн амыг хаах онлайн компани” өрнүүлдэг гэжээ. Судлаачид Сири, Йемен, Сомали улсуудад ч хэвлэлийн эрх чөлөө тун төвөгтэй, байнга биш ч ямар нэг хэмжээгээр хяналттай гээд “хэвлэлд түгшүүртэй уур амьсгалтай” гэсэн байна.