Өнгөрсөн есдүгээр сарын эхээр Калифорни мужийн эрэг орчмоос усан доогуур шумбагч атомын хөлгөөс харвасан АНУ-ын тэнгисийн цэргийн хүчний Trident II баллистик пуужин Гвадалахараас Тихуану руу нисч явсан Мексикийн агаарын тээврийн Airbus онгоцны дэргэдүүр тун ойрхон нисч өнгөрсөн байна.

Онгоцны нисгэгчид пуужингийн нислэгийг дүрс бичлэгт буулган авч Америкийн The Drive хэвлэлийн сайтад нийтлэхдээ “Умард Солонгос хэдийнээ энд ирчхэж” гэсэн тайлбар зүүжээ.

Цөмийн зэвсгийн мэргэжилтнүүд дүрс бичлэгийг шинжээд баллистик пуужингийн нислэг нь ердийнхөөс хамаагүй доогуур байна гэсэн байна. Стратегийн зэвсэглэлийн шинжээч Анкит Панда The Drive хэвлэлд “Таяг тойруу нь доогуур байх тусам пуужингийн хурдыг бууруулдаг” гэсэн байна. Шинжээч бас пуужин ийм таяг тойруугаар хөөрч байгаа нь долоон килотоннын чадалтай W76-2 байлдааны толгой суурилуулсантай холбоотой гэжээ. Байлдааны энэ толгойг АНУ харьцангуй богино хугацаанд буюу 2018 онд боловсруулаад энэ 2019 оны эхнээс үйлдвэрлэж эхэлсэн гэнэ. Баллистик пуужингийн бага хүчин чадлын ийм цөмийн цэнэгт хошуу нь байгаа оновчтой онох талаар илүү юм байна. Цөмийн цэнэгийн жин ийм бага байх нь пуужингийн нисэх хугацааг мөн уртасгана.

Өнгөрөгч есдүгээр сарын эхээр АНУ тив хоорондын баллистик Trident II пуужин дөрвийг усан доогуур шумбагчаас харваж туршсан юм. Үүнээс өмнө наймдугаар сарын дундуур америкчууд цөмийн бус пуужинг газраас хөөргөсөн нь Дунд болон ойрын тусгалтай пуужин устгах тухай гэрээг зөрчсөн үйлдэл болсон.