Олон улсын үнэлгээний Moody’s агентлаг улс орнуудын зээлжих чадварын төлвийг “тогтвортой”, “сул” гэсэн хоёр ангиллаар үнэлж байх болсон тухайгаа мэдээлсэн байна. “Өрсөлдөх чадварыг тогтвортой, сул гэж хоёр ангилан өөрчилснөөр улс орнуудын зээлжих чадварыг үнэлэх суурь нөхцөлүүд нь өөрчлөгдөж байгаа юм” гэж хэвлэлийн албаны мэдээнд дурджээ.
Үнэлгээний нөхцөлийг ингэж бууруулж байгаа нь улс төрийн нөхцөл байдал, эдийн засгийн өсөлт удааширч байгаа, төрийн институтуудийн үүрэг суларч байгаатай холбоотой гэж Moody’s тайлбарлаж байна. Ийм үнэлгээ нь ойрын 12-18 сарын хугацаанд гарах төлөвт эергээр нөлөөлнө гэж шинжээчид үзэж байна. Урьдчилан тооцоолоогүй дотоод улс төрийн болон геополитикийн нөхцөл байдал нь Дотоодын нийт бүтээгдэхүүний өсөлтийг удаашруулж, эдийн засаг, санхүүгийн эрсдэлийг нэмэгдүүлж байна.
Юун түрүү худалдааны харилцаан дахь геополитикийн хурцадмал байдал, ялангуяа АНУ, Хятадын хоорондох худалдааны сөргөлдөөн, улс төрийн хурцадмал байдал нь олон улсын болон үндэсний институтуудийг сулруулж улс орнуудад төсвийн нөөцөө нэмэгдүүлэн, өрийн ачаалалтай тэмцэх боломж олгохгүй байна гэж энд тэмдэглэжээ.