Хятад 2035 он гэхэд 200 МВт хүчин чадал бүхий сансрын шинэ том цахилгаан станц ашиглалтад оруулах төлөвлөгөөтэй байна гэж БНХАУ-ын Сансрын технологийн академийн төлөөлөгч Ван Ли мэдэгдсэнийг Синхуа агентлаг арванхоёрдугаар сарын 2-нд дамжууллаа. “Хүн төрөлхтний  хязгааргүй эрчим хүчний эх үүсвэртэй болох мөрөөдлийг биелүүлэхийн тулд бид шинжлэх ухаан технологийн салбар дахь хамтын ажиллагаагаа өргөжүүлэхийг эрмэлзэж байна” гэж Ван Ли мэдэгджээ. Байгаль орчныг бохирдуулдаг, ашигт малтмалаар тэжээгддэг уламжлалт цахилгаан үйлдэрлэлээс ялгаатай нь сансрын эрчим хүч нь илүү тогтвортой, тэгээд ч байгалийн гамшигт нэрвэгдсэн юм уу алслагдсан бүс нутгийг эрчим хүчээр хангах боломжтой юм.
Сансрын цахилгаан станц барих шийдвэрийг Хятад бүр 2008 онд гаргасан юм. Өнөөдрийн байдлаар Чунчин мужийн Бишанийн районд эрчим хүчийг утасгүй дамжуулах болон энэ нь байгаль орчин хэрхэн нөлөөлөхийг туршиж байгаа юм байна. Утасгүйгээр эрчим хүч дамжуулах санаа анх 1941 оноос зөгнөлт зохиолч Айзек Азимовын зохиолуудад өргөн гардаг байсныг Америкийн инженер Питер Глейзер шинжлэх ухааны үүднээс хэрэгжүүлэх санааг бүтээлүүддээ оруулсан байдаг юм.