Дэлхий дахины эдийн засаг 2020 оны хоёрдугаар хагасаас тухайлбал Вашингтон, Бээжингийн худалдааны дайн зөөлөрч төв банкуудын мөнгө зээлийн бодлого сайжирснаар сэргэж эхэлнэ гэж UBS банкны Global Wealth Management-ийн Ази Номхон далайн бүсэд хувьцаа хуваарилах газрын тэргүүн Адриан Церкер хэлж байна.
 “Манай эдийн засгийн өсөлтийн таамаглалад нөлөөлж байгаа худалдааны эргэн тойрон дахь манан даанч их байна” гэж Церкер CNBC хэвлэлд ярьсан байна. Түүнийхээр бол АНУ, Хятадын бие биенийхээ эсрэг тавьж байгаа татвар нь олон аж ахуйн нэгж, фирмүүдийг эрсдэлд оруулж байгаа гэнэ.
 Өнөөдөр эргэн тойронд хэт удаан байгаа ч гэлээ “2020 оны хоёрдугаар хагас, тодруулбал дөрөвдүгээр улирлаас тодорхой сэргэлт мэдрэгдэнэ” гэж Адриан Церкер хэлжээ.
“АНУ-ын эдийн засаг үндсэндээ удааширч байгаа ч хэлэлцээрийн эхний шат амжилттай болж, магадгүй арванхоёрдугаар сарын тарифыг болиулах юм уу хойшлуулах найдлага байгааг бид харж байна. Энэ бол эдийн засаг сэргэхэд хангалттай” гэж тэр тэмдэглэсэн байна.
 Дэлхийн хоёр том эдийн засаг 2018 оны эхнээс өөр зуураа дайтаж Азийн эдийн засагт уналт мэдрэгдэж эхэлсэн, гэхдээ дэлхийн эдийн засгийн өсөлт удаашрахад худалдаа цор ганц нөлөөлсөн хүчин зүйл биш гэж Церкер ярьжээ. “Энэ үеэр төв банкууд зарим урамшууллаа больж, дэлхий дахины тэнцвэрийг идэвхтэй хумьсан нь бас нөлөөлсөн” гэж тэр хэлж байна. Энэ 2019 оны сүүлч гэхэд төв банкууд “мөнгө хэвлэх, тэнцлээ өргөжүүлэх, зээлийн хүү бууруулах” ажилдаа дэлхий нийтээрээ эргэн орж байгаа нь манай гаргийн эдийн зэсэгт нааштай нөлөө үзүүлнэ гэж Церкер онцлон тэмдэглэжээ.