Ц.ХАС

 Шинэ төрлийн коронавирусийн дэгдэлтийн улмаас дэлхийн эдийн засаг 2020 онд нэг их наяд гаруй ам.долларын алдагдалд орно гэж Oxford Economics-ийн шинжээчид тооцоолсон байна. Шинжээчид энэ өвчний тархалтыг “нэг их удаан үргэлжлэхгүй, гэхдээ маш их хохирол учруулна” гэжээ.
Улмаар АНУ болон Европын орнуудын эдийн засагт хямрал нүүрлэнэ гэнэ. Oxford Economics-ийн шинжээчдийн үзэж байгаагаар өөр нэг хувилбар нь вирусийн тархалт зөвхөн Азиар хязгаарлагдах юм бол дэлхийн эдийн засагт 0.4 их наяд буюу манай гаргийн Дотоодын нийт бүтээгдэхүүний 0.5 хувийн хохирол учрах юм байна.
Энэ бүх хохирол нь аж ахуйн нэгж байгууллагуудын ажилчин, ажилчид ажилдаа гарахгүй байх, үйлдвэрлэл, аялал жуулчлалын урсгал, бараа бүтээгдэхүүний нийлүүлэлт буурах, худалдаа хөрөнгө оруулалт багасахтай холбоотой гарна гэж Bloomberg-ийн судалгаанд дурдсан байна.
Коронавирусийн халдвар тархаж эхэлснээс хойш хоёр сар гаруйхан хугацаа өнгөрөөд байхад Хятад болон хөрш орнуудад олон аж ахуйн нэгж үйл ажиллагаагаа зогсоож, аймшигт аюул дагуулж эхэллээ гэж Oxford Economics-ийн шинжээчид өгүүлснийг The Guardian сонинд бичжээ.
Улс орнуудын засгийн газар, төв банкууд болохоор коронавирусийн халдвар дэлхийн эдийн засагт нэг их хүчтэй нөлөөлөхгүй, өвчин гарсны дараа энэ бүхнийг ядах юмгүй залруулна гэж тооцоолж байгаа нь ташаарал гэж Bloomberg цааш нь бичсэн байна. Одоогоор бүр дэгдэлтийн хэмжээнд хүрчхээгүй ч шинэ коронавирусийн халдвар “ноцтой сэтгэл түгшээнэ” гэж Дэлхийн эрүүл мэндинй байгууллага мэдэгдээд байгаа юм.
Үүнтэй зэрэгцээд Олон улсын валютын сан бас шинэ төрлийн коронавирусийн тархалтаас болон дэлхийн эдийн засгийн өсөлт 3.3 хувь буурч энэ 2020 онд ердөө 0.1 хувь болно гэсэн гутрангуй таамаг гаргасныг Bloomberg бичсэн байна. Швейцарын UBS банкны төлөөлөгч Аксель Вебер мөн 2019 оны аравдугаар сард, өөрөөр хэлбэл коронавирусийн халдвар тархаж эхлээгүй байхад дэлхийн Дотоодын нийт бүтээгдэхүүн нэг хувиар буурна гэсэн нь хамгийн бодитой дүгнэлт хийж байжээ.
Bloomberg-т бичсэнээр бол шинэ коронавирусийн халдварын тархалт нь зөвхөн энэ өвчин дэлгэрсэн орнуудад төдийгүй бусад улс орнуудын эдийн засагт ч хүчтэй нөлөөлнө гэж байна. Өмнөд Солонгосын Засгийн газар түгшүүрийн дээд хэмжээ зарлаад байна.

эх сурвалж :"Ардчилал таймс сонин"