Хятад улс өмнөд нутгийнхаа Гуйжоу мужид орших дэлхийн хамгийн том радио телескопоор харь гаргийн соёл иргэншил хайх ажлаа ирэх есдүгээр сараас эхлүүлнэ гэнэ. Энэ том төхөөрөмж FAST буюу “Five hundred meter Aperture Spherical Telescope” (таван зуун метрийн диаметртэй дээд мандлын телескоп) нэртэй. Энэ том телескопын гол үүрэг нь сансар дахь холын биет, тэдний үүсэл хувьсал болон шинжлэх ухааны бусад зүйлийг судлах явдал юм. Улаан дээр байрлуулсан 500 метрийн диаметртэй энэ том тогоог 185 сая ам.долларын өртгөөр байгуулсан юм. Үүний зэрэгцээ энэ станцын ойролцоо байсан есөн мянган хүнийг нүүлгэн шилжүүлж эргэн тойронд нь арав гаруй км-т ямар нэгэн браилгын ажил хийхийг хоригложээ. Мөн дэргэд нь шинжлэх ухаан, амралтын цэцэрлэгт хүрээлэн байгуулж, жуулчдыг ирүүлж байхаар төлөвлөсөн байна.
Уг нь энэ төхөөрөмжөөр харь гаргийн соёл иргэншлийг хайх ажлыг хятадууд хоёр жилийн өмнөөс эхэлсэн боловч энэ удаад тестийн дэглэмээр хайх юм байна. Харь гаргийнхныг хайх энэ ажил нь шинжлэх ухааны бусад ажлуудад садаа болохгүй гэж судалгааны ажлын удирдагч Жан Тонжи онцлон тэмдэглэжээ. Тэр бас одоогоор бидний хүлээж авч байгаа дохионуудын дотор “харь гаргийнхан” гэхээр материал харагдахгүй байгаа гэсэн байна. Гэхдээ харь гаргийн соёл иргэншил байдаг л юм бол, тэд сансарт илгээлт явуулж л байгаа бол FAST түүнийг хүлээн авч илрүүлэх магадлал бий гэж Жан Тонжи тэмдэглэсэн байна.

ЭХ СУРВАЛЖ: "АРДЧИЛАЛ ТАЙМС" СОНИН