Хэн бүхний идэх дуртай энэ амттаны тухай дурдахын учир нь энэ долдугаар сарын 11-нд бүх дэлхийн шоколадны өдөр тохиохтой холбоотой. Какаог сүүгээр найруулсан энэ амттаныг какаогийн мод тариалдаг Төв, өмнөд Америкийн орнууд хэдэн зууны тэртээгээс ундаа хэлбэрээр “бурхны идээ” хэмээн хэрэглэж ирсэн ч шоколадны олон улсын өдрийг саяхнаас 1995 оноос л тэмдэглэдэг болжээ. Шоколадыг жинхэнэ ёсоор үнэлж мэддэг францчууд ийм өдөр тэмдэглэж байхаар санаачилга гаргаснаар жилийн дотор л Европ, Америкийн амттанд дурлагчид нэгдсэн гэдэг. 

Бүр VI зуунд майяачууд какао тариалж ундаа бэлтгэн үр самрыг нь эмчилгээнд хэрэглэж байжээ. Дараа нь тэднийг эзэлсэн ацтекууд уламжлан авсан бол европоос анх удаа шоколад амталсан хүн нь 1502 онд бөмбөрцгийн нөгөө бөөрөнд хөл тавьсан Колумб байжээ. Улмаар какаогийн ундааг европт испаничууд боловсронгуй болгож саахар, самар холин “Хар алт” гээд нэрлэчихэж. Ингээд 16 дугаар зууны эцэс гэхэд хил давуулдаг наймаачдын ачаар Италид, дараа нь Европын буссад оронд түгэн дэлгэрч дээ. Шоколад ингэж дэлхийдаяар тархахад Францын Людовика XIII хааны хатан байсан австрийн Анна санаадгүйгээр их үүрэг гүйцэтгэсэн гэдэг. Тэрээр хэд хэдэн хайрцаг какаогийн самар авч ирсэн нь баячуудад түгээл бол тархжээ.

Х.ӨЛЗИЙ