Өнөөдөр арваннэгдүгээр сарын 7.

Орос оронд Владимир Ильич Лениний удирдлагаар Октябрийн социалист хувьс­гал мандсан өдөр. Бүх дэл­хийд улаан хувьсгал мандуулах уриатай энэ хувьсгалаар Хаант засгийг халж, Керенскийн түр засгийн газрыг унаган засгийн бүх эрхийг зөвлөлүүдэд шилжүүлэн ажилчин тариач­ны засаглал тогтоосон ч дараа нь сөрөг хүчин, хуучин төрийн бүхий л кадруудыг хядаж эхэлснээр Орос оронд иргэний дайн өдөөсөн юм. Иргэний дайны явцад нийт 12.5 сая хүн амь үрэгдсэний хоёр саяыг нь Улаан террорын үеэр хяд­сан гэдэг.  Үүний зэрэгцээ өлс­гөлөн, өвчний улмаас зургаан сая хүн амь алдаж, хоёр сая орос орноос дүрвэн гарсан юм.
Октябрийн их хувьсгалын ойг хуучин социалист системийн бүхий л оронд бүх нийтийн баяр болгон улаан туг уриа лоозон, Лениний хөрөг барин жагсч тэмдэглэдэг байсан бол хоёр системийн хоорондох хүйтэн дайн эцэс болж дэлхий дахины улс төрийн харилцаанд шинэ төлөв бий болж, Владимир Лениний харгислал, улс төрийн бодлогын мөн чанар ил болсноор мартагдаж эхэлсэн юм. Өнөөдөр ОХУ-д Геннадий Зюганов тэргүүтэй Оросын коммунист нам л энэ баярыг гишүүд дэмжигчдийн хүрээнд өргөн  тэмдэглэсээр байна.