П.И.Чайковскийн “Щелкунчик” балетыг МУГЖ балетчин Д.Алтанхуяг “Цөмөөхэй” нэрээр амилуулан хүргэсээр зургаа дахь жилтэйгээ золгож байна. “Цөмөөхэй” балетын нэг тоглолтод л гэхэд 200 гаруй хүүхэд тоглодог бөгөөд жил жилийн тоглолт өөр өөрийн гэсэн өвөрмөц онцлог, сонин, содон гайхамшгуудаар дүүрэн байдаг. Бас хүүхдүүд нь ч шинэчлэгдэн, шинэ дүр төрхтэйгөөр хүрдгээрээ онцлог.
Энэ жилийн тоглолтын нууцаас задлахад энэ сарын 20, 21, 27, 28-нд УДБЭТ-т  тоглогдох “Цөмөөхэй”-д гавьяат жүжигчин Д.Алтанхуяг эхний өдрийн тоглолтод ОХУ-ын Пермь хотын театрын гоцлол балетчин Р.Булганы хамт гол дүрд тоглох бөгөөд энэхүү тоглолтын үзэгчдийн суудал хэдийнээ дүүрчээ.
Насаараа үзээд ч уйддаггүй Англи, АНУ, Европыг тэр чигт нь байлдан дагуулдаг “Цөмөөхэй”-гийн баатрууд энэ жил ч бас Монголынхоо мянга, мянган үзэгчдэд гайхамшгийг бэлэглэхээр бэлтгэл сургуулилалтаа хийгээд завгүй байна.