Өнөөдрөөс эхлэн Asian box кино сувгаар гарч эхлэх “Чан Ан дахь хамгийн урт өдөр” кинонд Монгол жүжигчин дүр бүтээсэн юм. Тус кинонд Холивудын болон БНХАУ-ын алдартай жүжигчид тоглосноос гадна Монгол улсаас СТА С.Ариунбямба Тангудад эзлэгдсэн Түрэг улсын Ма Гэ Ар дэд даамлын дүр бүтээсэн аж.
Чан Ан гэдэг нь Тан улсын төв байсан бөгөөд уг хотын хуучны хэв маяг, загварыг тэр чигт нь босгон сүндэрлүүлэхийн тулд тус киноны багийнхан долоон сарын турш ажиллажээ.
Зураг авалт 2017 оны арваннэгдүгээр сард эхэлж, 2018 оны зургадугаар сард дуусч, яг нэг жилийн дараа БНХАУ-ын Youku платформ дээр анх тавигдсан юм. Түүнээс хойш уг цуврал нь БНХАУ-д ашиг орлогоороо өндөрт бичигдэж, үзэгчдээс ч өндөр үнэлгээ аваад буй.
Одоогийн байдлаар “Чан Ан дахь хамгийн урт өдөр” цуврал нь Сингапур, Малайз, Вьетнам зэрэг Азийн орнуудад, мөн Viki, Amazon зэрэг видео сайтаар Хойд Америкт гараад байгаа юм.