Нэгэн настайвтар эмэгтэй автобусанд суув. Чихэвч зүүгээд ном уншиж яваа залуугийн хажууд очоод чангаар хоолой засахад залуу сандран босч суудал тавьж өгчээ. Харин эмэгтэй залуу руу таагүй байдлаар харж “Залуу хүн байж ажил төрөл хийгээд унаа тэрэг авчхаж чадахгүй өдий насандаа автобусаар явах гэж. Тэгээд бас настай хүнд суудал тавьж өгөхгүй санаатай чихээ таг бөглөчхөөд, ном шагайна. Одоогийн залуусын байж байгаа царай энэ” хэмээн үглэнгээ залууг болгож өгсөн нүдээр харав. Харин залуу хариуд нь инээмсэглээд “Таны хүүхдүүд мэдээж бүгдээрээ хувийн унаа тэрэгтэй улсууд байдаг байх аа” гэв. Эмэгтэй хариуд нь “Тэгэлгүй яадаг юм. Миний хүүхдүүд өндөр боловсрол эзэмшсэн, зарим нь гадаадад их дээд сургууль төгссөн. Бүгд хувийн унаа тэрэгтэй” хэмээн сайрхаад залуу руу “Чам шиг лав автобусанд сууж явахгүй” гэсэн нүдээр харжээ. Залуу “Тиймээ эгчээ би дээд сургууль төгсөөгүй. Манайх амьдралын бололцоо жаахан муутай айл байсан юм. Тиймээс би дунд сургуулиас шууд ажил хийж настай ээжийгээ автобусаар явуулахгүйн тулд машиных нь төлбөрийг төлдөг болохоор өөрөө автобусаар явдаг юм аа” хэмээн хариулжээ.