Швейцарын хөгжлийн агентлагаас Монгол Улсын соёл урлагийн хөгжилд хувь нэмэр оруулах зорилгоор энэ оны эхэнд тэтгэлэгт төслийн уралдаан зарласан байна. Уг уралдаанд Хүүхэлдэйн театрын хамт олон шалгарчээ. Энэхүү төслийн хүрээнд АНУ-ын Коннектикутын Их сургуулийн жүжиглэх урлагийн сургуулиас таягт хүүхэлдэй үйлдвэрлэл, утсан хүүхэлдэй хөдөлгөх ур чадвар, 3D болон 7D холограм системийг уран бүтээлд ашиглаж сургах чиглэлээр мэргэжлийн өндөр түвшний багш нар хүрэлцэн ирж 14 хоногийн сургалт зохион байгуулах юм.