"Ноён бондгор" энэ сарын 20-ны өдөр “Монголдоо төрсөн минь учиртай” тоглолтоо хийхээр болжээ. Тэрээр тоглолтоо энэ сарын 20-нд Сүхбаатарын талбайд хийхээр холбогдох байгууллагуудад хүсэлт тавьсан байна.

Тэрээр энэ талаар хэлэхдээ  “Цар тахлын улмаас хөл хорио тогтоож, жирийн уран бүтээлч, ард түмэн, бизнес эрхлэгчдийн ажил зогсонги байдалд орсон нь эдийн засаг болоод сэтгэл санааны хувьд хүнд хохирол учруулж байна. Тиймээс хүний эрхээ эдэлж, төв талбай дээр тоглолт хийнэ. Зөвшөөрсөн, зөвшөөрөөгүй хийх болно. Улс төрчид хууль дүрмээ зөрчиж, сонгуулийн сурталчилгааны үеэр олон хүн цуглуулж байна. Гэтэл урлаг, соёлынхон яагаад дуулж, хуурдаж болдоггүй юм. Урлаг соёлоор ангаж цангаж байгаа ард түмнээ ая дуугаараа цэнгүүлж, үнэ төлбөргүй тоглолтоо хийхэд буруу зүйл байхгүй” гэжээ.