“Nomadic ballet” продакшныхан удахгүй болох Үндэсний их баяр наадмаар   бүрэн хэмжээний цогц “legend” энтертайнмэнт шоугаа толилуулахаар болжээ.  Үндэсний язгуур урлаг, орчин үеийн модерн балет, циркийн урлагийг нэг дор нэгтгэн хослуулсан энэхүү шоу “Дотоод нүүдлээ сэрээ” уриатай.  Уг шоуны уран бүтээлчид нь Монгол Улсдаа төдийгүй хилийн чанадад нэр хүндтэй язгуур урлагийн болон орчин үеийн урлагийн төлөөлөгчдөөс бүрдэж байгаа аж.  “Legend” төсөл нь  контемпорари урсгалын онцлогийг хадгалсан бөгөөд “Бэрцэцэг”  зохиолыг баяжуулж хийсэн домгийн сэдэвтэй бүтээл болох юм. Зохиолын гол агуулга нь гол дүрийн залуу дайнд яваад  эргэж ирэхгүй амь үрэгддэг.  Амь үрэгдсэн баатар эр сэтгэлт бүсгүй дээрээ хун шувуу болж ирж байгаагаар энэ балетад гардаг байна.   “Legend”  шоунд “Nomadic ballet”-ын бүжигчдээс гадна “Enhee boy” циркийнхэн, үндэсний хөөмэй, ардын урт богинын дуу, бүжиг нийлсэн өвөрмөц цогц тоглолтыг үзүүлэх юм. Тус хамтлаг өмнө нь сентиментал буюу Мэдрэхүй тоглолтоо эх орондоо тавьж байсан юм.