Дорнод Монголын нутгаас өнгөрсөн өвөл 100 мянга орчим зээр оросын Өвөр байгалийн хязгаарын нутагт нүүдэллэн өвөлжсөн нь сүүлийн 100 жилд тохиож байгаагүй тохиолдол боллоо гэж Даурын дархан цаазтай газрын эрдэм шинжилгээний ажилтан Вадим Кирилюк мэдэгдсэнийг ТАСС агентлаг лхагва гарагт дамжууллаа. Энэ нь хөрш улсын нутагт ган зуд нүүрлэж идэш ховордсонтой холбоотой гэж тэр нэмж хэлсэн байна. Нүүдэллэн ирсэн зээрийн сүрэг хязгаарын нутгаар тархаж өвөлжөөд таван сард нутаг буцсан, зарим нь ч хилийн байгууламж торыг давж чадалгүй манай нутагт үлдсэн гэж Кирилюк хэлжээ. 2016-2018 оны өвөл энэ нутагт зээрийн тоо 2,5-7 мянгад хүрч байсан гэж mkchita.ru хэвлэл мэдээлсэн байна.