Аялал зугаалгын улирал эхэлж байгаатай холбогдуулан дотоодын жуулчдад зориулсан “Улаанбаатар Травэл экспо 2019” үндэсний аялал жуулчлалын үзэсгэлэн тав дахь жилдээ энэ сарын 24-26-ны өдрүүдэд “Мишээл Экспо” төвд зохион байгуулагдах гэж байна.

Энэ зун амралтаараа хаашаа аялахаа шийдэж чадаагүй байгаа бол та бүхэн тус үзэсгэлэнгээс өөрсдийн аяллын чиглэлээ сонгож болох юм. Тухайлбал, 21 аймгийн цогцолборт газрууд, тэдгээрийн ойролцоо зочид буудал, жуулчны бааз, рашаан сувилал зэргийг мэдэж авахаас гадна хөдөө гадаа амралт зугаалгаар явахад хэрэг болох аяны бүх хэрэгслүүдийг нэг дороос худалдан авах боломжтой.