Эрүүл мэндийн яамнаас коронавирусний халдварын тархалтын талаарх ээлжит мэдээллээ хийлээ. 

Тэрээр "Сүүлийн 24 цагийн хугацаанд 10,000 гаруй хүнд шинжилгээ хийхэд 856 хүнээс коронавирусийн халдвар илэрч, улсын хэмжээнд бүртгэгдсэн нийт тохиолдол 31,339 боллоо. Шинээр илэрсэн тохиолдлын 744 нь Улаанбаатар хотод, 112 нь орон нутагт бүртгэгджээ. 

Мөн өнгөрсөн хоногт хоёр хүн нас барлаа. Нас барсан хүмүүсийн ар гэр, төрөл төрөгсдөд гүн эмгэнэл илэрхийлье. Ийнхүү манай улсад коронавируст халдварын шалтгаант нас баралт нийт 80 болж байна.

Өнгөрсөн 24 цагт 1,060 хүн эдгэрч эмнэлгээс гарснаар нийт эдгэрсэн хүний тоо 16,815 боллоо. Халдварын улмаас 4,451 хүн эмнэлэгт хэвтэн эмчлүүлж байгаагаас хөнгөн 2,574, хүндэвтэр 1,441, хүнд 355, маш хүнд оноштой 81 хүн байна" гэлээ.